همت جيش العواذل مايردني
فرات وماي دجلة مايردني
اعتقد طير اليمرني مايردلي
تحركه نار دلالي السرية
وحي بشوفتك ماعت ولانت
لا ضل بية برغي ولانت
بعد لاحاسبة التنفع ولانت
اذا قافل ايميلك بس علية
مس حلمان وبطيفي شفتها
واسف ما لاحت شفافي شفتها
مريضه وابوسا من عندي شفتها
والمها اندار كله وصار بيه
و حگ الباري الأقسم بـ نونة
حلوة الشامة لـ بخدهة و نونة
مبهورة الخلگ كلهة بـ نونة
و أنا بحبهة صار جنون بيـة
تضل تاج على راسي مالي غيره
وترة الينكر العشرة مالة غيره
لون تطلب كليبي مالي غيره
انطيك الكلب وعيوني هدية
أحب اثنين بس أهلي والأعراق ..
وحبك يا وطن بية والاعراق ..
كل طيبة جذر مني والاعراق ..
من طيبة أهل خير البرية
كلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه
لمنع كلبي من شوفك وتوبه
واريد العفو من ربي وتوبه
صرت بيديك خرخاشه وتوبه
وكولن اموت بيه للمنيه
ثيابي جمر من نارك دولي
جرحتني وماينفع بعد دوه اللي
علية شبيك متكبر دوللي
ليش انته شنو بالنسبه اليه....
من تمشي الصبح خل عينك عالكاع
لان نظرات عينك تكتل ابنادم
واذا باليل تطلع عمي طب بساع
اذا هية الصبح وادمنة تترادم بيه
لكيت الروح يمك ماهي يمنة
محال نريد حباً ما هيمنة
يكلي الأيد يمنة وماهي يمنة
أدية وياك حد جية المنية
لكيت الروح يمك ماهي يمنة
محال نريد حباً ما هيمنة
يكلي الأيد يمنة وماهي يمنة
أدية وياك حد جية المنية
دك باب اليضربك واشتمنه
واشيل تراب جدمك واشتم منه
كول أمرني حبي واشمنه
حاضر لو ردت روحي هديه
فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك
واجيبك فيت يالترهم عليه
الرئيسية 
التسجيل 
دخول 
من طرف 
موضوع: اطول سلسله ابوذيات